நம் இந்தியா

கனல்விடும் இளைய நெஞ்சங்களின்
சுடர்விடும்  சக்தி பெற்ற இந்தியா
தொடர்ச்சியான முன்னேற்றத்தின் சுவடுகளை
தொடர்ந்து தரும் வளர்ச்சி பெற்ற இந்தியா

கடந்தகால  இடைவெளியை சிதறடிக்கும் இந்தியா
உள்வளத் திறமையால் சிறகடிக்கும்  இந்தியா
 உலகமயமாக்கலில் உயர்வு கொள்ளும் இந்தியா
வர்த்தகத்தில் வணிகத்தில் வலுவான இந்தியா

அறிவியல் தொழில்நுட்பத்தில் பலமிக்க இந்தியா
டைட்டானியம் தாது வளத்தால் தலை நிமிரும் இந்தியா
புதியன புனையும் தொழில்வள இந்தியா
தன்னிறைவில் மனநிறைவு காணும் மதிப்பு மிக்க இந்தியா

மனிதவளத்தின் ஆதாரத்தால் மதிப்பு கூட்டும் இந்தியா
பெருகி வரும் மக்கள் தொகையை கட்டுப்படுத்தும் இந்தியா
வன்முறையை வேரறுக்கும் துணிவு பெற்ற இந்தியா
பேரணி நாடுகளின் முக்கிய நாடாய் முதிர்ச்சி பெரும் இந்தியா

போர்  வியூக வலிமைகளில் வளம் கூட்டும் இந்தியா
தன்முனைப்பால் தகுதி சேர்த்து தகுதி கூட்டும்  இந்தியா
இயற்கை வளத்தை நிறைவாக்கும் தேர்ச்சி பெற்ற இந்தியா
நதிநீரை தேசியமயமாக்கி சாதனை படைக்கும் இந்தியா

உழுநிலம் யாவுமே விளைநிலமாக்கி  பசுமைபெரும் இந்தியா
வேளாண்மையிலும்  உணவு பதப் படுத்துதலிலும் உயர்ந்து நிற்கும் இந்தியா
அணுக்கருப் பொருளினில் ஆதிக்கம் செலுத்துகின்ற நிலை பெரும் இந்தியா
அனைவரின் விருப்பமாய் வல்லரசாகி உயரும் நம் இந்தியா