எந்த ஊரில்
எது பிரசித்தம்
மனம் அதிலே நாட்டம்
உண்ணும் உணவோ
உடுத்தும் உடையோ
மலிவின் பக்கம் ஓட்டம்
கனவின் பலனை
நிஜமாய் நம்பி
களித்திருக்கும் ஒரு கூட்டம்
திறமையிருந்தும்
துணிவைஇழந்தால்
வாழ்வில் வந்திடும் வாட்டம்
உடமைஇருந்தும்
ஒழுக்கம் குறைந்தால்
தொழிலில் ஏற்படும் நஷ்டம்
இப்படி நடக்கும்
அப்படி நடக்கும்
எண்ணுவோர் மனதில் பதட்டம்
உண்மையிருந்தும்
உறுதி குலைந்தால்
வாழ்வில் ஏற்படும் கஷ்டம்
வாட்டும் வறுமையில்
வாடி விடாமல்
முயன்றால் பலனும் கிட்டும்
நம் நிலை உணர்ந்து
தன்னலம் மறந்தால்
இலட்சியம் நிச்சயம் எட்டும்
உணர்வால் உயர்ந்து
உழைப்பால் சிறக்க
வழித்துணையாவது திட்டம்
இருப்பதைக் கொண்டு
சிறப்புற வாழ்வது
அவரவர் வாழ்வின் இஷ்டம்
No comments:
Post a Comment