பஞ்ச் டையலாக்

 

தரம் சிறக்க பரவட்டும் 
உலகெங்கும் தரவட்டம் 
வளம் கொழித்து சிறக்கட்டும் 
உழைக்கின்ற கூட்டம் 

எண்ணித் துணிக கருமம் 
வள்ளுவன் சொன்ன திட்டம் 
எண்ண எண்ணக்  குவியும் 
தரம் சிறக்கும் திட்டம்


செருப்போட அருமை 
வெயிலில தெரியும் 
செவென் டூல்சோட அருமை 
தரத்துல தெரியும்

கெட்டும்  பட்டணம் சேர் 
கெடாம இருக்க கெய்சனைச்  சேர்

பேசாதிருந்தால்  பிழையொன்றுமில்லை 
PDCA  இருந்தால் பிழையேயில்லை



உடல்ல FAT  கூடிச்சுனா 
ஹார்ட்ல வரும் அட்டாக் 
உற்பத்தியில வேஸ்ட்  கூடிச்சுனா 
தொழில்ல வரும் அட்டாக் 


செய்யுற வேலையில நேரலாம் தப்பு 
தப்பு இல்லாம வேலை செஞ்சா மதிப்பு 
POKA YOKE  செஞ்சா நேராதுங்க தப்பு 

உடலில BP  இருந்தா பலவீனம் 
தொழிலில BPR  இருந்தா பலம் கூடும்  

( BPR - BUSINESS PROCESS  REENGINEERING )

மாற்றம் தான் நிரந்தரம் 
கெய்சன்  
சிறந்த மாற்றத்துக்கான  மந்திரம் 
மை சன்னுன்னு  ஊட்டி வளர்த்தா 
பெத்த பிள்ளை 
கெய்சனை  போற்றி வளர்த்தா 
தொல்லை இல்லை 


லீனா இருக்கிற உடல்ல  வியாதி குறைவு 
லீன் கான்செப்ட்  கத்துக்கிட்டா
தொழிலில  இழப்பு குறைவு 
வேஸ்ட் குறையும் 
காஸ்ட் குறையும் 
சொன்ன நேரத்துக்கு 
சொன்னதை செய்கிற 
ஜஸ்ட் இன் டைம்ங்கிறது   சாத்தியமாகும் 


ஆறுமுகக் கடவுளுக்கு சிக்ஸ் பேஸு 
 இழப்பு குறைக்க சிக்ஸ் சிக்மா பத்தி பேசு
பேசுறதை செயல்ல காட்டு 
குடுப்பாங்க கலர் கலரா பெல்ட்டு 
கிரீன் பெல்ட்டு  பிளாக் பெல்ட்டு 

இழுக்க இழுக்க இன்பம் 
உடல் நலத்துக்கு கேடு  சிகிரெட்டு 
இழுக்க இழுக்க இன்பம்
 உற்பத்தி வெகு ஜோரு மார்க்கெட்டு 
சிகரெட்டு சொன்னது நண்பன் 
மார்க்கெட்டு சொன்னது கன்பான் 
வாடிக்கையாளர் உற்பத்திய
பிடித்து இழுத்தா இன்பம் 
நாமளா பிடிச்சு தள்ளுனா  துன்பம் 
அதுதான் இழுக்க இழுக்க இன்பம் 

ஹீரோ சைக்கிள் ஓட்டுறவர் எல்லாம் 
ஹீரோ இல்ல 
PDCA  சைக்கிள்  ஓட்டுறவர்  தான் ஹீரோ 
பெடல் இல்லாமலே மெடல் வாங்குற சைக்கிள் 
PDCA  சைக்கிள் .
 தடம் பதித்து 
தடைகளைக்  களைகிற   சைக்கிள் 

PDCA  சைக்கிள் .(பிளான், டூ ,செக் , ஆக்ட் )


PDCA ஹீரோ ஆனா 
ABCD  ஜீரோ ஆகும் 
A  for  ஆக்சிடன்ட் 
B   for  ப்ரேக்டவுன் 
C  for   கஸ்டமர் கம்ப்ளைண்ட் 
D  for    டிபெக்ட்



மனித சக்தி சிந்தனை 
இயந்திர சக்தி சாதனை 
OEE  யைக் கூட்டணும் 
TPM இன்  போதனை 
கூட்டினால் முழு உற்பத்தி சாதனை


TPM  ஜப்பானோட கான்செப்ட் 
PPM  குவாலிட்டியில லேட்டஸ்ட்

(ppm- பார்டஸ் பெர் மில்லியன் )

திரும்பாது போன விநாடி 
கத்து தருவது  SMED 
(Single  Minitue Exchange of  die )

சேன்ஜ்  ஓவர் டைம்ங்கிறது  வேஸ்ட் 
குறைக்கக் கத்துக்கணும் மஸ்ட்

மொட்டைத் தலையும் ஆயிரம் சீப்பும்

தளர்ந்த தந்தை அழைத்தாரே 
வளர்ந்த மகன்கள் மூன்று பேரை 
வாணிபம் நமது குலத்தொழிலாம் 
அதனில் பெற்றோம்  நற்ப்பெயராம் 
இன்னும் தொழிலைச் சிறப்பாக்க
இயன்ற வழிகள் சொல்வீரே 


தலை வாரும் சீப்பு செய்தோம் 
தலைமுறையாய் வாழுகின்றோம் 
போட்டியால் சற்று நலிவுற்றோம் 
வியாபார உத்தி அறிந்திருந்தால் 
விடியும் பொழுது நமதேயாம் 
வீணாய்ப் பொழுதைக் கழித்திருந்தால் 
நலியும் நமது தொழிலேயாம் 


உங்கள் வியாபார உத்திக்கு ஒரு போட்டி 
மலை உச்சியில் இருக்கிறார் 
மொட்டைத் தலை புத்த பிச்சு 
அவரிடம் விற்கணும் 
ஆயிரம் சீப்பு 
எப்படி முடியுமென்று எண்ணாதீர்கள் 
எப்படியாவது விற்க எண்ணுங்கள் 

முதலாமவன் சென்றான் 
சீப்பு வாங்கச் சொன்னான் 
மொட்டைத் தலைக்கு 
சீப்பு எதற்கு என்றார் பிச்சு 
முதுகு சொரிய பயன்படும் என்றான் 
இரண்டு சீப்பு விற்றான் 


இரண்டாமவன் சென்றான் 
கஷ்டப்பட்டு மலையேறி 
காற்றில் முடி களைந்து 
வருகின்றன் பக்தர்கள் 
முகம் பொலிவுற 
கண்ணாடியும் சீப்பும் இங்கிருந்தால் 
பக்தர்களுக்கு நலம் பயக்கும் என்றான் 
பத்து சீப்பு விற்றான் 


மூன்றாமவன் சென்றான் 
உற்ற நண்பர்களை உடன் அழைத்தான் 
குழுவாய்க்  கூடி சிந்தித்தான் 
யோசனைகள் குவிந்தது 
புதிய யோசனை மலர்ந்தது 
புத்தர்  பொன்மொழி சீப்பில் பொறிக்கலாம் 
காணவரும் பக்தர்களுக்கு 
அவர்  அன்பளிப்பாய்க் கொடுக்கலாம் 
யோசனையை ஏற்றார் பிச்சு 
விற்றது ஆயிரம் சீப்பு 

தனியாய் சிந்த்தித்தால் புலப்படாது 
குழுவாய்ச்  சிந்த்தித்தால் கவலை நீடிக்காது

திருமணம் எதற்கு ?

உனக்கெல்லாம்  எதற்கு திருமணம் ?
மாமனார் கேட்டார் 
மாப்பிள்ளையைப் பார்த்து 

மாப்பிள்ளை 
சுட்டிக்காட்டிய
பேரக்குழந்தைகளை 
கட்டிப்பிடித்தபடி 

வரிசையும் வசதியும்

வசதியில்லாதவர்கள் 
வரிசையாய் நகர்கிறார்கள் 
வசதியுள்ளவர்கள் 
வசதியால் நுழைகிறார்கள் 
ஆலயத்தில் 
ஆண்டவன் 
அருளைப் பெறுவதற்கு


வசதியில்லாதவர்கள் 
வரிசையாய் நகர்கிறார்கள் 
வசதியுள்ளவர்கள் 
வசதியால் நுழைகிறார்கள்
பொதுவிநியோகத்தில் 
பொருளைப் பெறுவதற்கு 


வசதியானவர்களே 
அருளை எப்படியும் பெறுங்கள் 
பொருளை வரிசையாகப் பெறுங்கள் 
ஏழைகள் புண்படாமல் 
நகர்தலைத்  தொடர

கடவுள்

எங்கும் நிறைந்திருக்கும்  சக்தி
ஜீவராசிகளின்
பிராணக்கயிற்றை
பிடித்துக் கொண்டிருக்கும் சூத்ரதாரி

நிலையற்ற வாழ்வு உலகுக்கு
நிரந்தர வாழ்வு அவருக்கு
உள்ளக் குகையில் வீற்றுறுப்பவரை
அள்ளுவதும் தள்ளுவதும்
அவரவர் விருப்பம்

அனுபவம்

ஆயிரம் தத்துவங்களால் 
உணர்த்த முடியாததை 
உணர்வுப் பூர்வமாய் 
உணர்த்துகின்ற ஒன்று 

இதன் மகத்துவத்தை 
பெற்றவர்கள் 
வாழ்கிறார்கள் நன்று.

 முப்பதாண்டு  பணி  நிறைவுப் பாராட்டு 

பென்னர்  என்ற பேரைப்படி
பேரைச் சொல்லி பொருளைப் பிடி 
பென்னரோட  உயர்வைப் பற்றி பாடப் போறேண்டா
உன்னோட நினைப்பினிலே 
பென்னர் என்ற பேரைப் பதி 
வார்த்தைக்கு கட்டுப்பட்டா 
தரத்தை அடையும் வழி 
தரம் என்பது தனித்துவம்தான் 
பென்னர் அடைந்தது மகத்துவம்  தான்
                                                                   (  பென்னர்  என்ற பேரைப் படி ....)


வாரிசும் ,சர்வீஸும்  எல்லாரும் 
இங்கே வந்தா அண்ணன  தம்பி தானே 
ஒன்னாகி உழைப்பதாலே 
பலனும் அதிகம் தானே 
எங்களுக்குள் எந்தவித  பேதமில்லே 
கற்றதெல்லாம் கற்றுத்தர தயங்கவில்ல 
வாரிசு எங்க அச்சு 
அவுங்கள வச்சு 
தொழில் திறனும் கூடுது.
ஆட்டோமொபைலு  தொழிலு நன்கு வளருது 
பென்னர்  பொருட்கள் அதற்கு மிகவும் உதவுது

                                                                    (  பென்னர்  என்ற பேரைப் படி ....)

ஆண்டுகள் முப்பது ஆனதுக்கு 
அவார்டு  முன்னால்  ஏது?
வாங்கித் தந்த சங்கத்துக்கு 
வாழ்த்து என்று கூறு 
தங்கம் தர வந்திருக்கார் முரளி சாரு 
தினேஷ் சார் தலைமையிலே விழா ஜோரு
தடை பல கண்டு அதை வென்று 
இந்தப் பரிசும் வந்திருக்கு

இணைந்து வாழ்த்துவோம்  இன்முகத்தோடு 
இதயம் குளிர்ந்திடும் வாழ்த்துக்களோடு


                                                                    (  பென்னர்  என்ற பேரைப் படி ....)

(முப்பது ஆண்டு பனி நிறைவு பாராட்டு  விழாவில் -ஐந்து  ஆண்டுகளுக்கு முன்  எழுதி  பாடியது)

செலவினக் குறைப்பு

கவிதை பாட நேரமில்லை எனக்கு
இட்ட பணி செலவினங்கள் குறைப்பு
கருத்தினிலே வழிகள் பல இருக்கு
இயன்ற வரை கூறுகின்றேன் தொகுத்து.

கூடு விட்டு கூடு பாயும் வித்தையல்ல
கூடி நின்றால் செலவினங்கள் குறையும் மெல்ல
சிக்கனத்தை எக்கணமும் நினைத்திருப்போம்
சிந்தையிலே என்றுமதைத் தாங்கி நிற்போம்.

உள்ள படி உருவாகும் செலவினங்கள்
உள்ளப்படி தேவைதானா யோசிப்போம்
தேவையற்ற செலவினங்கள் நாம் குறைப்போம்
ஊழல் அற்று உயர்வாகச் சிந்திப்போம்

இழப்புக்கள் ஏராளம் கண்ணெதிரில்
இணைந்தே வருகின்றது கண்ணெதிரில்
இசைந்தே வாழ்வது இழிவாகும்
இணைந்து வெல்வது சிறப்பாகும்

தரம் காக்கும் செலவினங்கள் உயர்வாகும்
அதனாலே உயர்ந்த தரம் உருவாகும்
அதிலெந்த மாறுதலும் செய்ய வேண்டாம்
தரம் கூட்டும் வழிமுறையை மாற்ற வேண்டாம்.

ஜப்பானின் 5 எஸ்

ஜப்பானின் 5 எஸ்ஸை பார்த்தேளா
அதில் சொல்லிருக்க சங்கதிய கேட்டேளா?

அயல் நாட்டு சங்கதியெல்லாம் உனக்கேண்டி ?
அவன் டஸ் புஸ்ஸுன்னு  என்னென்னமோசொல்லுவாண்டி

நிறுவனத்தில் 5 எஸ் பற்றி சொல்லித் தந்தாளா?
கற்றதை என்னிடம் கற்றுக் கொடுக்க நீங்க மறந்தேளா ?
மாமா நீங்க மறந்தேளா ?

செய்ரி, செய்டான், செய்சோ என்றால் உனக்கு தெரியாது.
செய்கட்சு,சிட்சுகே சொல்லணும் என்றால் வாய்க்குள் நுழையாது
வார்த்தை  வாய்க்குள்  நுழையாது.

சுத்தம் பற்றிய கோட்பாடென்று 
சொன்னால் தெரியாதா
வீட்டை இன்னும் சுத்தமா வெச்சுக்க உதவக் கூடாதா
சொல்லி உதவக் கூடாதா?

சுத்தம் சோறு   போடும்  என்று   சொன்னது நாம்தாண்டி
சுத்தத்துக்கே விளக்கம் சொன்னதில் இந்தியா முன்னோடி
நம்ம இந்தியா முன்னோடி

பேசி எந்தப் பலனுமில்ல செயலில் காட்டனும்
செயலில் காட்டிய ஜப்பான் 5 எஸ் கற்றுக் கொடுக்கணும்
நீங்க கற்றுக் கொடுக்கணும்.

அப்படியா இப்பச் சொல்றேன் கேட்டுக்க...
தேவையில்லாப் பொருளையெல்லாம் அப்புறப்படுத்தனும்
அப்புறப்படுத்தி  ஒழுங்குபடுத்தி துப்புரவாக்கணும்.
அந்தந்தப் பொருளை அந்தந்த இடத்தில் அடுக்கி வைக்கணும்
எடுத்த பொருளை எடுத்த இடத்தில் வெச்சுப் பழகனும். நாம வெச்சுப் பழகனும்.
நாள் தோறும் நடைமுறையில் கடைபிடிக்கணும்
கடைபிடிக்கும் நடைமுறையை பழக்கமாக்கணும்

இதுதானா 5 எஸ்  ஈசிங்க
இதைக்  கடை பிடிக்க நானும் இப்ப ஒகேயிங்க

தேவைக்கு மேலே சேர்த்து வைப்பதில் நீதான் கில்லாடி
தேவையில்லாப் பொருளை ஒதுக்க மனசு வருமோடி

உனக்கு மனசு வருமோடி ?  

போட்டுக்க செருப்பு
நாலு ஜோடி
கட்டிக்க சேலை
பீரோ நிறைய
பண்ட பாத்திரம்
வீடு முழுக்க

கட்டிக்க சேலை வாங்கிக் குவித்தா
எண்ணிக்கை கூடுமடி
பீரோ  எண்ணிக்கை கூடுமடி
பண்ட பாத்திரம் வீட்டை நிறைச்சால்
சுத்தம் எப்படிடி?
அடியே சுத்தம் எப்படிடி?

மனம் இருந்தால் மார்க்கம் உண்டு
எனக்குத் தெரியுங்க
மாற்றம் கண்டு வியந்து என்னை
போற்றப் போறீங்க.
என்னை போற்றப் போறீங்க .

காதல்

காதல் ...
அளவில்லா உயிர்களின்
அரும்பும் உணர்வு

காதல் ...
பலரின்
தடம் பதித்த பாதை

காதல்...
மலர்ந்து
மனம் பரப்பும் பூஞ்சோலை

காதல் ...
பல சரித்திரங்களின் பின்னணி
பல சாம்ராஜ்யங்களின் வீழ்ச்சி
பல சாதனைகளின் எழுச்சி

காதல் ...
இதன் விளிம்பைத் தொட்டு
விலகுபவர் பலர்
மூழ்கி முததெடுப்பவர் சிலர்

காதல் ...
இனக் கவர்ச்சியால்
கவரப்பட்டவர்கள்
விரைவில்
சோர்ந்து விடுகின்றாகள்

காதல் ...
மனக் கவர்ச்சியால்
மகிழப்பட்டவர்கள்
அன்போடு
சேர்ந்து வாழ்கிறார்கள்

ஈதலும்
இசைபட வாழ்தலும்
வள்ளுவன் வகுத்த பாதை

காதலும்
கண்பட வாழ்தலும்
காதலின் மங்காத பாதை

வலியில்லா பட்டாசு

இந்த ஆண்டின் புதுவரவென்ன ?
அந்த பிராண்டின்
தனிச் சிறப்பென்ன ?

பட்டாசுப் பட்டியலில்
பலவிதமாய்ப்
புதுவகைகள்

சரம் சரமாய் ...
விதம் விதமாய் ...
வானத்தில்
வர்ண ஜாலமாய் ..

ஓசையுடன்
மனதை அள்ளும
ஒன்றன் பின் ஒன்றாய்
ஓவியமாய் வந்திறங்கும்

சிறிய திரியின்
சிறப்பு ஒளியும் ஒலியும்
ஊரெல்லாம்
வெளிச்சம் காட்டும்

பார்த்துப் பூரிக்க
பல மாதம் முன்பே
களை கட்டும்
பட்டாசுத்  தொழிற்சாலை

கண்ணுக்கு விருந்தாக
விற்பனைக்கு வருமுன்னே
காண்கின்ற விபத்தாலே
கண்களிலே கண்ணீர்தான்

ஆனந்தத்தின் அடையாளத்தை
உருவாக்கும் ஆர்வத்தில்
உயிர் காக்க மறக்கலாமா?
விபத்துதான் தொடரலாமா?

தற்காப்பு தழைக்கட்டும்
பாதுகாப்பு சிறக்கட்டும்
பட்டாசு ஓசையில்
சந்தோசம் மட்டும் நிலவட்டும்.

நம்பிக்கை தளராதே

வாழு
உன் உயர்வுக்காய் வாழு - இந்த
உலகின் உயர்வுக்காகவும் வாழு.

எதிர் நீச்சல் பழகியவனுக்கு
எதிராளியைப் பற்றி
பயம் எதற்கு?
சுயம் முன்னேற முன்னேற
பயம் பின் வாங்குகிறது

வியர்வை முத்துக்களின்
பிடியில் தான்
உலகின் சொத்துக்கள்
படர்ந்து கிடக்கின்றது
எடுத்து மகிழ்பவர்கள சிலர்
ஏமாந்து மடிபவர்கள் பலர்

பலரில் ஒருவனாவாதும்
சிலரில் ஒருவனாவதும்
விதியல்ல நண்பனே
நாம் கொண்ட நம்பிக்கை

விதைக்கிற விதைதான் முளைக்கும்
வீரியமும் கவனமும்
காரியத்தின் அனுகூலங்கள்

இருக்கிற போதும்
இழக்கிற போதும்
இயல்பாய் இருப்பவர்களை
உலகம் நிச்சயம்
அடையாளம் காட்டும்

முடியாதென ஒய்ந்திருப்பது
இயலாமை
முடியும் என முயற்சி செய்வதே
ஒவ்வொருவரின் கடமை

இரைப்பை காலியானால்
இயல்பாய் இருக்க முடியாது
நம்பிக்கை காலியானால்
உலகில் வாழவே பிடிக்காது

நம்பிக்கை அஸ்திவாரத்தில்தான்
எண்ணம் ஈடேருகிறது
ஏற்றம்  கிட்டுகின்றது.

இனிப்பான விருந்தாளி

இனிப்பான விருந்தாளி 

இனிப்பான  விருந்தாளி 
இன்முகம் காட்டுகின்றார் 
சம்மதமின்றி  சந்தித்து 
காரியத்தை  ஆற்றுகின்றார் .


சாதி மத பேதமின்றி  
சங்கடத்தை ஊட்டுகின்றார் 
பாரபட்சம் ஏதுமின்றி 
பாடாய்ப் படுத்துகின்றார் 

இன்சுலின் சுரப்பில் 
மந்தம் என்கின்றார் 
தாய் தந்தை உறவின் 
பந்தம்  என்கின்றார் 

உழைப்பற்ற உணவின்
சொந்தம் என்கின்றார் 
உருக்குலையும் நிலை கண்டு 
உச்சம் என்கின்றார் 

உறுப்பைப் பாதிக்கும் 
பொறுப்பைச் செய்கின்றார் 
உயர்ந்தும் குறைந்தும் 
உணர்ச்சி சிதைக்கின்றார் 

தளர்ச்சி ஊட்டி 
வளர்ச்சி தடுக்கின்றார் 
மலர்ச்சி போக்கி 
மயங்க வைக்கின்றார் 

சிந்திக்கும் மனிதன் 
சந்திக்கும் தடையிதனை 
சிந்தித்து வென்றிடலாம் 
சிறப்பாக வாழ்ந்திடலாம் 

சிறிது நேர நடைபயிற்சி 
சீரான உடற்பயிற்சி 
சீராக்கும் உடல்தன்னை 
மருந்தின்  துணையுடனே.

தரம் தரும் பென்னர்

தரம் தரும் பென்னர்

ஆனந்ததத்தை  அள்ளித்தரும் உயர்தரம் - அதை 
ஆனந்தமா  ஆக்கிடுவோம் நிரந்தரம் 
சந்தையிலே போட்டிதானே  நிலவரம் 
தரம் எப்பவுமே விற்பனைக்கு துணை வரும் 

அப்போ  பொருள் செய்யும் முறை 
                                         பழமையாக இருந்திச்சு
அது போட்டியில்லா சந்தையால  ஜெயிச்சுச்சு 
தரம் இருந்த போதிலும் அது குறைஞ்ச போதிலும் 
நாம வச்சதே விலை  அன்று  மறுப்பவர் இல்லே 
தினம் பெட்டி பெட்டியா  பொருள் சேதம் ஆகுண்டா  
அதைப் பார்க்கும் போதெல்லாம் 
நம்ம நெஞ்சு வலிக்குண்டா.....

அந்தக் கால முறைகள் எல்லாம் 
மலையேறிப் போச்சு இப்போ 
சிஸ்டம் பலவும் கற்கச் சொல்லுது இப்பத் தொழிலு 
தரமுன்னு  சொல்லுறாங்க  சான்று பல கேக்குறாங்க
ஒண்ணு  இருந்து  ஒண்ணு  குறைஞ்சா  விட்டுப் போறாங்க 
தொழிலு  எல்லாமே  ஒரு கண்ணாமூச்சி - அதில் 
தரம் இல்லாத பொருள் காணாப் போச்சு 
விற்பனைகள் உலகமெங்கும் பரவியாச்சு 
தொழிலில் நானுதான் எனச்  சொல்ல ஆளில்லே 
ஒருத்தன் வீழுறான்  பலர் உள்ளே நுழையுறான் 
என்னடா தொழிலு  இதில் எத்தனை புதிரு 
தரம் இருந்தால் லாபம் அதை இழந்தால் பாவம் 


பென்னரில  தொழிலு  எல்லாம் ரொம்ப ரொம்ப மாறிடுச்சு 
ISO ங்குது  5S ங்குது  TPM ங்குது
எல்லாம் இருந்து இன்னும் முன்னேற வழி  என்னான்னு 
ரொம்ப அதுவும்  தேடிப்  பார்க்குது 
பொருள் தரத்தை உயர்த்திட பென்னர்  சலிப்பதே இல்லை 
இழப்பை குறைத்திடும் முறை இருக்குது உள்ளே 
பென்னருக்கு போட்டி கண்டு பயமே இல்லே 

ஆண்டு அறுபதை நெருங்கும் பென்னரு 
தொழிலில் வின்னரு பேர் பெற்ற பென்னரு 
JK  கூடத்தான் இணைஞ்ச பென்னரு 
உலகத் தரத்துக்கு பொருள் படைக்கும் பென்னரு !