வளருகின்ற இந்தியா நடப்பு
வளர்ந்த இந்தியா இலக்கு
ஒவ்வொரு இந்தியரும் பொறுப்பு
ஓய்வின்றி உழைக்கணும் நினைத்து
தேவைகள் நிறையவே இருக்கு
தீர்வுகள் திறமையை இணைத்து
உள்நாட்டு உற்பத்தியில் தன்னிறைவு
உள்கட்டமைப்பில் அதிவிரைவு
தனிமனித வருமானத்தில் மனநிறைவு
அறிவியல் தொழில்நுட்பத்தில் வெகு உயர்வு
வேரறுக்கும் வறுமையில் மிகத்துணிவு
போதிக்கும் கல்வியில் நிஜத்தெளிவு
மக்கள் தொகை பெருக்க்கத்தில் வரும்குறைவு
மற்றவரை நேசிக்கும் மனத்தெளிவு
உயர்வுக்கு வழிகாட்டும் சிலகாரணிகள்
இலட்சியப் பயணத்தின் பல நிலைகள்
வருங்காலச் சிற்பிகளே
வளருகின்ற இந்தியாவை
வளரும் இந்தியாவாக உருமாற்றும் காரணிகளே
நிகழ்காலத்தின் நிஜங்களைக்கண்டு
ஓய்ந்து போகாதீர்கள்
முடியுமா என்ற கேள்வியோடு
முடிந்து போகாதீர்கள்
தடைகளைக்கண்டு நீங்கள்
தளர்ந்து போகாதீர்கள்
அரசியல் ஆதிக்கம் கண்டு
அரண்டு போகாதீர்கள்
புற்றீசல் கட்சிகளை கண்டு
மிரண்டு போகாதீர்கள்
சாதி மத பேதத்தால்
நொந்து போகாதீர்கள்
முடியும் என்ற முனைப்போடு
முன்னேறுங்கள் வலிமையோடு
இலக்கு மட்டுமே முன்னால்
தடைகள் குறையும் உம்மால்
இலக்கு அனைவரின் சூத்திரமானால்
சாதனை நிச்சயம் சாத்தியமாகும்.
No comments:
Post a Comment