கனவு காணக் கற்றுக் கொள்

கைத் தொழில் ஒன்றைக் கற்றுக்கொள்
கவலை இல்லை ஒத்துக்கொள்
போதுமென்ற மனம் அன்று

கனவு காணக் கற்றுக் கொள்
கடின உழைப்பை ஒத்துக் கொள்
போட்டியை சமாளிக்கும் குணம் இன்று

உணவு உடலுக்கு
கனவு வாழ்வுக்கு
உணர்வு உயர்வுக்கு
உழைப்பு கனவின் உயிர்ப்புக்கு

கனவு என்பது அஸ்திவாரம்
செயல் திறன்  அதன் கட்டுமானம்
களிமண் அஸ்திவாரம் சரியும்
கட்டாந்தரை எண்ணம் போல் உயரும்
களிமண்ணில் கால் புதையும்
அடியெடுக்க மனம் தளரும்
தளம் என்பது பிரதானம்
மனதின் அடித்தளமே  ஆதாரம்

காலை .. மாலை ..இரவு
வந்திடுமே என்றும் தொடர்ந்து
தடுமாற்றம் .. தோல்வி .. சரிவு
தளராத மனமோ உயர்வு

ஒவ்வொரு நாளும் விடியும்
முயன்றால் எதுவும் முடியும்
இலட்சியக் கனவும் மிளிரும்

தொலை நோக்குப் பார்வைதான் கனவு
தலை தூக்கும்  நிகழ்வுதான் உணர்வு
 திறமைகளை உண்மையுடன் உணர்ந்து
சூழ்நிலையை மிகச்சரியாய் புரிந்து
தேவையான திறமைதனை வளர்த்து
செயல்பட்டால் நனவாகும் கனவு

நேற்றைய கனவுகளின் செயல்பாடு
இன்றைய வெற்றிகளின் வெளிப்பாடு
இன்றைய கனவுகளின் புறப்பாடு
நாளைய சரித்திரத்தில் புகழோடு

 

தரமும் உயர்வும்

அன்றும் என்றும் நம் பொருள்தான்
உயர்வாக வேண்டும்
போட்டிப் பொருள்  நம் பொருளால்
தான் வீழ வேண்டும்

திறமையெல்லாம் செய்யும் தொழிலினிலே 

அதன் வெற்றி எல்லாம் கிட்டும்   தரத்தினிலே

வேறென்ன வேண்டும் தொழிலினிலே
தரம் நன்று என்னும் நிலையினிலே
பேரோடு புகழ்பெற்று வாழ்ந்திருப்போம் 

  (அன்றும் .. என்றும்  )

தரம் தரும் முறைகளைத் தேர்ந்தெடுத்து
செய்வோம் நன்றாய் தொழில் தானே
இடர் என்று ஏதும் ஏற்பட்டால்
சுடர் மிகும் அறிவால்  சரியும் செய்வோம்
சேதாரத்தை அக்கறையாய்
ஒன்றும் இல்லாத நிலைமைக்கு
தள்ளி வைப்போம்

அந்த நிலையாலே நாம் என்றென்றுமே 

குறைவான விலையை நிர்ணயிப்போம்  

வேறென்ன வேண்டும் தொழிலினிலே
தரம் நன்று என்னும் நிலையினிலே
பேரோடு புகழ்பெற்று வாழ்ந்திருப்போம்
 (அன்றும் .. என்றும்  )

செய்யும் பொருள் அதை செய்யும் போதே

 ஒன்று இரண்டு பழுதும் வருகிறதே

 அதிலே கவனம் மிக கொண்டு

 சரி செய்ய தரமும் உயர்கிறதே

 தரத்தில் என்றும் உயர்வாகவே

 நம் வாடிக்கையாளரை அரவணைப்போம்

 அந்த இணைப்பில் வரும் பிணைப்பில் என்றும்

 நம் தொழில் சிறந்திட வழி வகுப்போம்

வேறென்ன வேண்டும் தொழிலினிலே
தரம் நன்று என்னும் நிலையினிலே
பேரோடு புகழ்பெற்று வாழ்ந்திருப்போம்

(அன்றும் .. என்றும்  )

வளை காப்பு

தாய்மையின் பூரிப்பை
பகிர்கின்ற நிகழ்வு

மங்கள நாண்  பூட்டி
மணாளனின் கரம் பற்றிய
மகிழ்வின் அடையாளத்தை ...
வளரும் வாரிசை ...
வளையின் ஓசையாலே
வாழ்த்துகின்ற நிகழ்வு

கருவில்
உருவைச் சுமப்பவளின்
கரம் தொட்டு வாழ்த்துகின்ற
இனிய நிகழ்வு
வளைகாப்பு

அச்சம் என்பது தேவைங்க

அச்சம் என்பது தேவைங்க
அஞ்சாமை உயிரைப் போக்குமுங்க
அச்சம் என்பது தேவைங்க
எய்ட்ஸ் அச்சம் என்பது தேவைங்க
அஞ்சாமை உயிரைப் போக்குமுங்க

பாரத நாடு, பழம்பெரும் நாடு
உயருது அனைத்திலும் சிறப்போடு
இளைஞர்கள் கையில் எதிர்காலம் என
இருக்குது நம்பிக்கை கனவோடு

மேலைக் கல்வியில் முன்னிலை அடைந்தால்
நாட்டிற்கதுவே  சிறப்பாகும்
மோகக் கலவியில் எய்ட்சை அடைந்தால்
குடும்பமும் நாடும் அழிவாகும்

மனைவி இருக்கையில் மற்றவள் எதற்கு ?
என்றிருந்தாலோ துன்பமில்லை
இயன்றவரைக்கும் அனுபவிப்போம் என
நினைத்தால் வரும்துயர் கொஞ்சமில்லை

நோயை எதிர்க்கும் ஆற்றலைக் கொடுப்பது
அவரவர் ரத்தத்தின் வெள்ளை அணு
வெள்ளை அணுக்களை அழித்தே நோயை
சிறப்பாய் வளர்க்குது எய்ட்சின்  அணு

ஆசையின் தவறால் அடைந்திடும் சுகமோ
அனுபவிப்பவர்க்கோ  சில நிமிடம்
அதனால் அவரும் இழந்து தவிப்பது
அவரவர் வாழ்வின் பல வருடம்

காக்கும் சாதனம் நிறைய இருக்கு
அவசியம் நேர்ந்தால் அணிவதற்கு
அவசியம் தவிர்த்து ஒழுக்கம் காத்து
ஒழிப்போம் எய்ட்சை அடியோடு.




  

வளர்ச்சிக்கு வழிகாட்டும் தரம்

  

தமிழ்த்தாய் தரத்தை வாழ்த்தும்  கவிதை

  

நிறைவான தரமிருக்க

நிலைபெற்று தொழில் சிறக்கும்
சிறப்பான  தொழிலாலே

புகழ் பரவும் உலகமதில்
 
எக்கணமும் தரம் சிறக்க

உதவும் நல உத்திகளும்
தக்கவழி கண்டுணர்ந்தால்

தெறித்தோடும் இழப்புகளே
 
அகிலத்தின் தேவைபோல்

பொருள் படைத்து வெற்றிபெற
எத்திசையும் புகழ்மணக்க

போற்றுகின்ற தரம் படைக்க -தரம் படைக்க
 
நம்  தரக்குழுவின் திறம்வியந்து செயல்படைக்க
வாழ்த்துவமே .. வாழ்த்துவமே .. வாழ்த்துவமே

அழியாத புகழோடு வாழலாம்
அறிவார்ந்த தரத்தோடு உயரலாம்
அகிலத்தின் கவனத்தை ஈர்க்கலாம்
அனைவருமே  சிகரத்தை எட்டலாம்

வெற்றி என்ற சிகரம் உச்சிங்க
தொட்டு விட நினைக்கும் மனசுங்க
தரக்குழுவாக இணைந்து கூடுங்க
தரணியில் தனித்துவத்தைக் காட்டுங்க

தடம் பதித்த பாதையை உணருங்க
தரம் சிறந்த முறைகளைக் கேளுங்க
புண்படும் நிலை இன்னும் எதுக்குங்க
பண்பட்ட கலை கற்றால் புகழுங்க

தரம் என்னும் ஆணி வேர் மூலங்க
சிதையாமல் காப்பது நம் கடமைங்க
வாடிக்கையாளர் தேவை என்ன உணருங்க
உணர்ந்து உருவாக்கி உயருங்க

      

 

தர உத்தி தருமே சக்தி (கவிதை )

வருது வருது, தடைகள் பல  தரத்தைக் கெடுக்கவே

எச்சரிக்கை  யாயிருக்கோம் அதனைத் தடுக்கவே

டெமிங் ஜுரான் சொன்னது என்ன ஜப்பானுக்கு மட்டுமா ?

நாம கடைபிடித்தால் தடைகள் நம்ம எதிரில் நிக்குமா ?

குழுவாய் கூடி நாளும் நாம உயர்வை  அடையணும்

குறைகள் போக்கும் வழிமுறையை நாம கத்துக்கணும்

எ பி சி   அனாலிசிஸ் என்றால் என்னங்க ?

பிரச்னையைத் தரம் பிரிக்கும் முறைகள் தானுங்க

பிரச்சனைக்கு எமனு நம்ம செவனு டூல்சுங்க

நாம கத்துக்கிட்டா  பிரச்சனைங்க பதறி ஓடுங்க

வித் அவுட் டிக்கட்டுல  வருது தடைகளே

பிளான், டூ, செக், ஆக்ட்ல  மாட்டித் தவிக்குதே

 பி, டி, சி, எ,   சைக்கிள்  என்ன சாதா சைக்கிளா

தடம் பட்டா தடைகள் எல்லாம் தானா மறையுதே

தலை சீவி கிராப்பு வச்சு பவுடர் போடுறோம்

டேட்டா  கலெக்ட் பண்ணி கிராப் போட்டு

                                                   டிபெக்டைப்  போக்குறோம்

பரோட்டா குருமா சாப்பிடத்தான் ரொம்ப இஷ்டமா

பெரட்டோ சார்ட்   போட என்ன நமக்கு கஷ்டமா

பிரேக் இல்லா வண்டியால உயிருக்காபத்து

கண்ட்ரோல் சார்ட்   போடாட்டா தரத்துக்காபத்து

மீனு முள்ளு வரைபடம் தான் காஸ் அண்டு எபக்டு

ரூட் காஸ் தெரிஞ்சா போயிடுமே நமது டிபெக்டு 

யோக்யமா இருக்குறவன் நல்லவன் தானே

போக யோகே  செய்யுறவன் வல்லவன் தானே         

மாற்றம்னா என்றுமது  நிரந்தரம்தானே
கெய்சன்னா  மாற்றத்துக்கு மந்திரம்தானே
லீனா இருக்க விரும்புறது நல்லதுதானே
லீன் கான்செப்ட்ஸ் கத்துக்கிட்டா வெற்றிதானே

வெற்றி கூட்டும் யுக்தி பல இருக்குதுதானே
மனம் விரும்பி செய்ய செய்ய மகிழ்ச்சிதானே
வெற்றிக்கு அடித்தளமே  QC    தானே
QCFI  யோடு சேர்ந்திருந்தா மகிழ்ச்சி தானே 



(QCFI கவிதைப் போட்டிக்காக எழுதியது )