மனதின் வெளிப்பாடு

    

இஸ்லாமிய  வருடப்பிறப்பு 

ஹிஜ்ரி 1434 (16.11.2012)

 

வாழ்த்துரை

      

நிறைவுடைய வாழ்வளித்து

நெடுநிலங்  காப்பதற்கு

மறையளித்த இறைவனுக்கே

மாபெரிய  புகழனைத்தும்

 

இறைவிரும்பும்  மறைவழியில்

இகத்தோரை அழைத்ததற்காய் 

குறைஷியர்கள் கொதித்தெழுந்து

கொன்றுவிட   எத்தனிக்க

நிறைமதியாம்  மாநபிதம்

நண்பர்அபூ  பக்கருடன்

மறைவாக மக்கா விட்டு

மதினாவிற்கு ஹிஜ்ரத் செய்த

திரையகன்ற திருநாளே

தீனோர்க்குப்  புத்தாண்டாம்

இறைதூதர் முஹம்மது  (ஸல் )

இயம்பிட்ட ஹிஜ்ரி ஆண்டு

குறைபோக்கி  நலவளமும்

குன்றாது நமக்களிக்க

இறையோனை இறைஞ்சிஎன் 

இன்வாழ்த்தை  இயம்புகின்றேன்

முகவை. முகம்மது ஆதம்

பன்னூல் ஆசிரியர்  

செல் :   7708179412

தென் ரயில்வே  மதுரை கோட்ட  

 புகைவண்டி கட்டுப்பாட்டு அதிகாரி  (ஒய்வு)